Анзират буви маҳалла кезади...
Сурхон кўп миллатли воҳа. Шунинг учун ҳам ушбу ҳудудда динга, тилга ва урф-одатларга эъзоз билан қаралади. Келинг, гапни кўп чўзмай, Сизга замонамиз Анзират бувиси ҳақида гапириб берай: Ўзбекистонни ўз Ватани, киндик қони тўкилган табаррук маскан деб билгувчи корейс миллатига мансуб Мун Алла Егоровнани таниганлар у кишини Амина ҳожи деб чақиришади.
